Inicio »
Proxecto ECS »
Entidades socias »
Asociación Plataforma polo Emprego »
Asociación Plataforma polo Emprego
A asociación
Asociación Plataforma polo Emprego agrupa varias asociacións de carácter social da área de Santiago de Compostela, para asesorar e acompañar aos usuarios no deseño e execución do seu itinerario formativo e laboral.
Mediante o seu contacto con desempregados, empresas e outras entidades a Plataforma detecta carencias no mercado de traballo que fai chegar ás distintas administracións, formula alternativas e propón solucións.
Plataforma polo Emprego traballa especificamente con aquelas persoas que teñen maiores dificultades á hora de buscar emprego. Traballa con minorías étnicas, inmigrantes, mulleres da casa de acollida, mulleres con cargas familiares, mozos sen estudos e maiores de 45 anos; todos eles colectivos que tamén atende o programa Equal Compostela Social.
Plataforma polo Emprego, como compoñente da
AD Compostela Social realizou as seguintes actuacións:
- Identificación e captación de emprendedores:
- Esta entidade participou en todas as actividades de difusión e sensibilización durante as tres fases do proxecto Equal Compostela Social. Con isto pretendía captar beneficiarios das accións do proxecto e expoñer as vantaxes do autoemprego e a creación de empresas como alternativas de inserción laboral.
A colaboración foi tan activa que varios dos beneficiarios do programa eran usuarios da asociación.
- Elaboración do mapa de recursos para o emprendemento:
- O mapa de recursos recollerá moi especialmente os recursos existentes para fomentar a igualdade de oportunidades e a perspectiva de xénero no ámbito empresarial, para difundir deste xeito a súa existencia e dispoñibilidade entre os colectivos máis vulnerables. Este mapa permitirá artellar toda unha serie de instrumentos complementarios xa existentes a esta acción piloto que reforzarán, sen dúbida, o impacto da actuación sobre os seus beneficiarios.
Para realizar esta acción a Plataforma reforzou o seu cadro de persoal coa contratación para esta tarefa dunha técnico e unha administrativa.
- Cooperación empresarial:
- A plataforma está presente nas futuras liñas de actuación deste epígrafe, aportando os seus coñecemento sobre responsabilidade social corporativa.
« Volver
Imprimir