Inicio »
Emprendemento »
Subvencións »
Subvencións
Todas as entidades que compoñemos a
AD Compostela Social somos conscientes de que o acceso ao financiamento externo é unha das principais limitacións existentes para o desenvolvemento de calquera actividade empresarial, e que este problema é sentido de xeito máis concluínte polas empresas de menor tamaño (PEMES e micro-PEMES), especialmente nos seus inicios.
Neste sentido deseñamos unha actuación que ten como obxectivo facilitar o acceso das persoas emprendedoras a unha subvención que lles permita poñer en marcha o seu proxecto empresarial.
A contía destas
axudas directas á xeración de actividade Equal Compostela Social é de ata 4.800 euros por proxecto empresarial, para gastos correntes e de primeiro establecemento durante os catro primeiros meses de actividade nos seguintes conceptos, excluídos impostos:
- Existencias iniciais de mercadorías: adquisición de primeiras compras de mercadorías, materias primas e outros consumibles de produción
- Gastos de arrendamentos: locais e/ou equipos
- Primas de seguros
- Abastecementos e gastos correntes
- Gastos de formalización e constitución da sociedade, se é o caso
As bases reguladoras do programa de axudas á xeración da actividade no marco do proxecto europeo Equal Compostela Social publicáronse no
DOG número 190, do 2 de outubro, (Orde 25 de setembro de 2006), xunto coa súa convocatoria para o ano 2006.
A convocatoria do ano 2007 foi publicada no
DOG número 86, do venres 4 de maio de 2007.
Outras axudas
Equal Compostela Social pon tamén a disposición dos/as usuarios/as desta web información sobre as principais axudas e subvencións que se poden solicitar en materia de emprendemento laboral e sobre programas de asesoramento.
Nas seguintes ligazóns poderás consultar as máis relevantes, coñecer as súas bases, estado actual e descargar os documentos precisos para presentar a súa solicitude.
Imprimir