Inicio »
Rede empresarial »
Funcionamento »
Funcionamento
O funcionamento da
RCE, cuxas pautas están fixadas no
Plan de Actividades Anual, estrutúrase nas seguintes áreas de funcionamento:
- Secretaría
- Información: transmisión de todo tipo de información que poida ser de interese para as empresas que integran a Rede.
- Lexislación
- Subvencións e axudas
- Concursos e Premios
- Ofertas e demandas de emprego
- Feiras, Seminarios, Congresos, Cursos e Eventos
- Trámites e Licencias
- Formación
- Asesoramento
- Relacións e colaboracións
- Toma de contacto con todas as empresas que foron creadas dentro do Proxecto Equal Compostela Social e realización dunha base de datos
- Toma de contacto con persoas responsables das diferentes administracións públicas
- Establecemento de unións/convenios temporais entre empresas da Rede para ofertar servizos integrais
- Promoción e publicidade
- Deseño da imaxe corporativa da Rede
- Realización dunha campaña publicitaria para dar a coñecer a nosa iniciativa
- Deseñar algún produto publicitario para dar a coñecer a iniciativa
- Comunicación en rede: de cara a establecer un foro de debate na rede coa finalidade de intercambiar ideas e opinións entre empresas
- Xestión de recursos
Coa finalidade de facer máis efectivo e competitivo o labor destes empresarios/as e de colaborar na mellora das súas condicións de traballo a Rede de Cooperación Empresarial dispón das seguintes ferramentas e servizos:
Encontros para a cooperación
A RCE pretende reunir periódicamente ao empresariado co obxecto de establecer contactos, tanto persoais como en calidade participantes dun programa, de cara a compartir experiencias, aconsellarse e establecer cooperacións de carácter empresarial.
Estes encontros servirán para sensibilizar ao empresariado sobre a necesidade e as vantaxes de cooperar e serán o primeiro paso para materializar unha serie de colaboracións futuras.
Web de cooperación empresarial
www.equalcompostela.org destina un espazo para que as empresas poidan difundir e promover os seus servizos e produtos a través do Escaparate Virtual, así como recibir información sobre ofertas e demandas de cooperación entre empresas, obter formación, estar ao día sobre os encontros de cooperación... e todo tipo de información que poida ser de interese para as empresas da rede e para o público en xeral.
Formación
A formación é clave para que os/as empresarios/as se manteñan nunha posición competitiva que garanta a súa continuidade no mercado.
É por iso que a RCE tratará de xeito regular, en sesións formativas, aspectos concernentes a novas tecnoloxías da comunicación e da información (NTIC), riscos laborais, captación de clientela, fiscalización, medio ambiente, novas tecnoloxías da información e da comunicación, conciliación da vida persoal e familiar, así como outras temáticas que partan sempre das demandas, necesidades ou intereses do empresariado que coforma a rede.
Estes seminarios, así como a parte formativa que inclúe a web de Equal, están pensados para que o empresariado asistente adquira as habilidades e coñecementos necesarios para preparar e realizar contactos eficaces coa clientela.
Descontos Equal
A RCE será un axente con peso propio no tecido empresarial da comarca de Santiago de Compostela e representará unha forza a ter en conta polo empresariado e as persoas consumidoras da comarca. Ese feito fará posible que o empresariado se acolla a unha serie de descontos.
Imprimir