Equal Compostela Social

Rede Empresarial

A Rede de Cooperación Empresarial enmárcase dentro do proxecto de iniciativa comunitaria ECS promovido pola AD Compostela Social e pretende dotar as empresas que a conforman da metodoloxía e da capacidade necesarias para levar a cabo o seu propio proxecto de cooperación con éxito. Constituíuse como o obxectivo final do proxecto ECS e está aberta ás ofertas e demandas de todas as Pemes, con independencia da súa orixe, sector de actividade ou situación.

O proxecto da Rede de Cooperación Empresarial de ECS debe entenderse como un acordo entre empresas independentes que unindo ou compartindo parte das súas capacidades e/ou recursos, instauran certo grao de interrelación co obxecto de incrementar as súas vantaxes competitivas.

¿En que podemos cooperar?

Cando as empresas creadas ó abeiro de ECS se preguntan por esta cuestión atopamos unha morea de razóns para animarnos a establecer vías de cooperación:

• Mellora da posición competitiva en presenza dunha 'lóxica do volume'
• Incremento do poder da empresa nun contexto competitivo
• Acceso a un mercado
• Acceso a algún recurso e/ou habilidades complementarias e necesarias
• Desenvolvemento tecnolóxico
• Transferencia de tecnoloxía
• Altos custos e riscos de I+D
• Desenvolvemento dunha innovación
• Realización dun proxecto demasiado custoso e arriscado
• Racionalización da industria e/ou saída para actividades non básicas
• Aprendizaxe dunha habilidade e do proceso de cooperación

Ampliando o conxunto de razóns para cooperar, podemos clasificar en tres grupos este tipo de motivos:

1. Razóns internas, que pretenden reducir a incerteza e as debilidades e conxuntar capacidades específicas:
   • Compartir riscos de custos
   • Conseguir economías de escala, compartindo recursos físicos e tecnolóxicos
   • Compartir liñas de produto
   • Compartir canles de distribución
   • Compartir persoal directivo e especializado experto
   • Compartir medios e servizos de abastecemento
   • Compartir liquidez e mellor uso do potencial financeiro da empresa
2. Razóns competitivas, co obxecto de mellorar ou reforzar as capacidades competitivas:
   • Expansión de negocios xa iniciados
   • Racionalizar e dimensionar industrias maduras
   • Adiantarse a cubrir unha demanda
   • Integración de procesos con sinerxias
   • Gañar unha posición de mercado
   • Evitar guerra de prezos: repartirse o mercado
   • Evitar duplicidade de proxectos I+D
   • Salvar empresas en crise
3. Razóns estratéxicas, que intentan achegarlle á empresa novas posicións estratéxicas:
   • Creación e explotación de novos negocios
   • Transferencia de tecnoloxía
   • Diversificación de produtos (cooperación horizontal)
   • Integración vertical e horizontal de proceso
   • Penetración en novos mercados
   • Aprendizaxe e incremento de experiencias
   • Innovación e I+D
   • Racionalización por desinvestimento e fraccionamento de unidades operativas

Imprimir